బాడీ షేమింగ్ వీడియోపై సారా టెండూల్కర్‌ ఆగ్రహం

దిగ్గజ క్రికెటర్ సచిన్‌ టెండూల్కర్‌ కుమార్తె సారా టెండూల్కర్‌ తనపై బాడీ షేమింగ్ చేస్తూ రూపొందించిన వీడియోపై తీవ్ర ఆగ్రహం వ్యక్తం చేశారు. తన మరదలు సానియా చందోక్‌తో కలిసి ఉన్న వీడియోను సామాజిక మాధ్యమాల్లో వైరల్ చేయడంతో అది ఆమె దృష్టికి వచ్చింది.

ఆ వీడియోకు సంబంధించిన దృశ్యాలను సారా తన సామాజిక మాధ్యమ ఖాతాలో పంచుకుంటూ తీవ్రంగా స్పందించారు. ఇటువంటి వ్యాఖ్యలు అసహ్యకరమని, ఇది జర్నలిజం కాదని పేర్కొన్నారు. తర్వాత వీడియో తొలగించినా చేసిన తప్పు సరిదిద్దుకున్నట్టుకాదని వ్యాఖ్యానించారు. సారా సామాజిక మాధ్యమాల్లో చురుగ్గా ఉంటూ తన వ్యక్తిగత జీవితానికి సంబంధించిన విషయాలను అభిమానులతో పంచుకుంటూ ఉంటారు.