రష్యా–ఉక్రెయిన్ యుద్ధంలో భారీ నష్టం.. సంచలన గణాంకాలు

రష్యా–ఉక్రెయిన్ యుద్ధం నాలుగేళ్లుగా కొనసాగుతున్నా ఇంకా ముగింపు కనిపించని పరిస్థితి నెలకొంది. బ్రిటన్ నిఘా వర్గాల అంచనాల ప్రకారం, 2022 నుంచి ఇప్పటివరకు సుమారు 5 లక్షల మంది రష్యా సైనికులు ప్రాణాలు కోల్పోయినట్లు తెలుస్తోంది. ఉక్రెయిన్ అధ్యక్షుడు వోలోదిమిర్ జెలెన్‌స్కీ కూడా తమ దేశానికి భారీ నష్టం జరిగినట్లు గతంలో వెల్లడించారు.

అమెరికా మరియు దాని మిత్రదేశాల సహాయంతో ఉక్రెయిన్ ఆధునిక క్షిపణులు, ఫిరంగులు, డ్రోన్లను ఉపయోగించి రష్యా బలగాలపై దాడులు చేస్తోంది. మరోవైపు రష్యా సైనిక శిక్షణ, రక్షణలో లోపాలు ఎదుర్కొంటున్నట్లు యూకే నిఘా వర్గాలు అంచనా వేస్తున్నాయి. కొత్త సైనికులను ఆకర్షించేందుకు రుణమాఫీ వంటి ప్రోత్సాహకాలు ప్రకటిస్తూ, అధ్యక్షుడు వ్లాదిమిర్ పుతిన్ నిర్ణయాలకు సంతకం చేసినట్లు సమాచారం.