సొంత ఖర్చుతో పవన్ కళ్యాణ్ సర్జరీ

ఆంధ్రప్రదేశ్ ఉప ముఖ్యమంత్రి పవన్ కళ్యాణ్ తన భుజానికి జరిగిన శస్త్రచికిత్సకు సంబంధించిన ఖర్చులను పూర్తిగా సొంత నిధులతోనే భరిస్తున్నట్లు సమాచారం. శస్త్రచికిత్సతో పాటు ప్రయాణానికి సంబంధించిన ఖర్చులను కూడా స్వయంగా చెల్లిస్తున్నారని తెలిపారు. గతంలో ముక్కుకు జరిగిన శస్త్రచికిత్సకు కూడా ఆయన వ్యక్తిగత నిధులనే వినియోగించినట్లు పేర్కొన్నారు.

రాష్ట్ర మంత్రివర్గ సభ్యులకు ఆరోగ్య సమస్యలు తలెత్తినప్పుడు వైద్య ఖర్చులను ప్రభుత్వం నుంచి పొందే అవకాశం ఉన్నప్పటికీ, ప్రజాధనాన్ని వ్యక్తిగత అవసరాలకు వినియోగించకూడదన్న స్వీయ నియమాన్ని పవన్ కళ్యాణ్ పాటిస్తున్నారని తెలిపారు. వ్యక్తిగత వైద్య అవసరాలకు ప్రభుత్వ నిధులు వినియోగించకుండా ఉండాలన్న ఉద్దేశంతో ఈ నిర్ణయం తీసుకున్నట్లు వెల్లడించారు.