ఎస్‌ఐఆర్‌ వ్యతిరేక నిరసనలో పాల్గొననున్న నిర్మలా సీతారామన్ భర్త!

ఎస్‌ఐఆర్‌ (స్పెషల్ ఇంటెన్సివ్ రివిజన్) ప్రక్రియకు వ్యతిరేకంగా అక్టోబర్ 23న దేశవ్యాప్తంగా నిరసన కార్యక్రమాలు నిర్వహించేందుకు సన్నాహాలు జరుగుతున్నాయి. ఈ ఆందోళనల్లో సీజేపీతో పాటు పలువురు కార్యకర్తలు పాల్గొననున్నట్లు సమాచారం. ఎస్‌ఐఆర్‌ ప్రక్రియపై తమ అభ్యంతరాలను వ్యక్తం చేస్తూ నిరసన కార్యక్రమాల ద్వారా ప్రజల దృష్టిని ఆకర్షించేందుకు వారు సిద్ధమవుతున్నారు.

ఈ నిరసన కార్యక్రమాల్లో కేంద్ర ఆర్థిక మంత్రి నిర్మలా సీతారామన్ భర్త, ప్రముఖ ఆర్థికవేత్త పరకాల ప్రభాకర్ పాల్గొననున్నట్లు తెలుస్తోంది. ఆయన ఈ ఆందోళనలో పాల్గొననుండటం రాజకీయ వర్గాల్లో ఆసక్తికర చర్చకు దారితీసింది. అయితే, నిరసన కార్యక్రమానికి సంబంధించిన ఇతర వివరాలు, నిర్వాహకుల అధికారిక ప్రకటనపై మరింత స్పష్టత రావాల్సి ఉంది.