నాదర్‌గుల్ ఎంవీఎస్‌ఆర్ కళాశాల ఘటన..ముగ్గురి అరెస్ట్

నాదర్‌గుల్‌లోని ఎంవీఎస్‌ఆర్ కళాశాలలో జరిగిన ఘటనకు సంబంధించి ఈవెంట్ మేనేజ్‌మెంట్ కంపెనీకి చెందిన ముగ్గురిని పోలీసులు అరెస్ట్ చేశారు. సాకేత్‌కు చెందిన కంపెనీలో పనిచేస్తున్న ఈ ముగ్గురిపై చర్యలు తీసుకున్నారు. ప్రాథమిక విచారణలో లైటింగ్ పోల్‌కు సరైన సపోర్టు ఏర్పాటు చేయకపోవడం వల్లే ప్రమాదం జరిగినట్లు గుర్తించినట్లు సమాచారం. ఈ ఘటనలో భద్రతా ఏర్పాట్ల లోపాలు ఉన్నాయా అనే కోణంలోనూ పరిశీలన జరుగుతోంది.

ఈ ఘటనకు సంబంధించి ఎంవీఎస్‌ఆర్ కళాశాల మేనేజ్‌మెంట్‌పై కూడా పోలీసులు కేసు నమోదు చేశారు. ప్రమాదానికి దారితీసిన పరిస్థితులు, ఈవెంట్ నిర్వహణలో పాల్గొన్నవారి బాధ్యతలపై పోలీసులు దర్యాప్తు చేస్తున్నారు. విచారణలో మరిన్ని వివరాలు వెల్లడయ్యే అవకాశం ఉంది.