గుజరాత్ లో భారీ అగ్నిప్రమాదం

గుజరాత్‌లోని రామోల్ ప్రాంతంలో బాణాసంచా తయారీ కేంద్రంలో భారీ పేలుడు సంభవించి అగ్నిప్రమాదం చోటుచేసుకుంది. ఈ ప్రమాదంలో కనీసం 10 మంది మృతి చెందినట్లు అధికారులు తెలిపారు. పేలుడు ధాటికి ఫ్యాక్టరీలో భారీ మంటలు చెలరేగగా, అగ్నిమాపక సిబ్బంది, సహాయక బృందాలు వెంటనే ఘటనాస్థలికి చేరుకుని సహాయక చర్యలు చేపట్టాయి.

ఈ ఫ్యాక్టరీకి చెల్లుబాటు అయ్యే లైసెన్స్ లేకపోవడంతో మార్చి 31న అధికారులు సీజ్ చేసినట్లు సమాచారం. అయినప్పటికీ ఫ్యాక్టరీ ఎలా తిరిగి కార్యకలాపాలు ప్రారంభించిందనే అంశంపై విచారణ కొనసాగుతోంది. పేలుడుకు గల అసలు కారణాన్ని అధికారులు దర్యాప్తు ద్వారా వెల్లడించనున్నారు.