బొలీవియా మిలిటరీ బేస్‌లో భారీ పేలుడు

దక్షిణ అమెరికాలోని బొలీవియాలో భారీ పేలుడు సంభవించింది. ఓ మిలిటరీ బేస్‌లో జరిగిన ఈ ఘటనలో 10 మంది మృతి చెందగా, 60 మందికి పైగా గాయపడినట్లు సమాచారం. రక్షణ శాఖకు చెందిన బాణసంచా తయారీ, సామగ్రి నిల్వ చేసే ప్రాంతంలో ఈ పేలుడు జరిగినట్లు తెలుస్తోంది.

పేలుడు ధాటికి ఆ ప్రాంతంలో భారీగా నష్టం జరిగినట్లు సమాచారం. సహాయక బృందాలు ఘటనా స్థలానికి చేరుకుని సహాయక చర్యలు చేపట్టాయి. గాయపడిన వారిని సమీపంలోని ఆసుపత్రులకు తరలిస్తున్నారు. సహాయక చర్యలు కొనసాగుతున్న నేపథ్యంలో మృతుల సంఖ్య మరింత పెరిగే అవకాశం ఉందని అధికారులు భావిస్తున్నారు.