కొరియన్ యువతితో మహేశ్ బాబు మేనల్లుడు సిద్ధార్థ్ గల్లా నిశ్చితార్థం..

సూపర్‌స్టార్ మహేశ్ బాబు మేనల్లుడు సిద్ధార్థ్ గల్లా కొరియన్ యువతి జెన్నీ (హేయిన్)తో నిశ్చితార్థం చేసుకున్నాడు. కుటుంబ సభ్యులు, బంధుమిత్రుల సమక్షంలో జరిగిన ఈ వేడుకకు సంబంధించిన ఫొటోలను మహేశ్ బాబు సతీమణి నమ్రత శిరోద్కర్ సోషల్ మీడియాలో పంచుకుంటూ నూతన వధూవరులకు హృదయపూర్వక శుభాకాంక్షలు తెలిపారు.

సిద్ధార్థ్ గల్లా, మహేశ్ బాబు సోదరి పద్మావతి-గల్లా జయదేవ్ దంపతుల చిన్న కుమారుడు. పెద్ద కుమారుడు అశోక్ గల్లా తెలుగు సినీ పరిశ్రమలో హీరోగా కొనసాగుతుండగా, సిద్ధార్థ్ కుటుంబ వ్యాపారాలను నిర్వహిస్తున్నారు. సిద్ధార్థ్, జెన్నీ ఎలా పరిచయం అయ్యారు, వారి ప్రేమ ఎలా మొదలైంది అనే వివరాలు ఇంకా వెల్లడికాలేదు. దర్శకుడు ఎస్.ఎస్. రాజమౌళి తెరకెక్కిస్తున్న తన తదుపరి చిత్ర షూటింగ్‌తో బిజీగా ఉండటంతో మహేశ్ బాబు ఈ నిశ్చితార్థ వేడుకకు హాజరు కాలేకపోయినట్లు సమాచారం.