సితారకు మహేశ్‌బాబు హృదయపూర్వక శుభాకాంక్షలు

సూపర్ స్టార్ మహేశ్‌బాబు తన కుమార్తె సితార ఘట్టమనేని 14వ పుట్టినరోజు సందర్భంగా హృదయపూర్వక శుభాకాంక్షలు తెలిపారు. సితారను ప్రేమగా ఆలింగనం చేసుకున్న ఫొటోను సోషల్ మీడియాలో పంచుకున్న ఆయన, ‘‘నువ్వు ఎంత పెద్దదానివైనా నాకు మాత్రం ఎప్పటికీ నా లిటిల్ స్టార్‌వే. నీకు 14వ పుట్టినరోజు శుభాకాంక్షలు. ఈ ఏడాది నీకు అద్భుతంగా సాగాలని కోరుకుంటున్నాను. నిన్ను ఎప్పటికీ ప్రేమిస్తూనే ఉంటాను’’ అంటూ భావోద్వేగ సందేశాన్ని పంచుకున్నారు.

మరోవైపు నమ్రతా శిరోద్కర్ కూడా సితారకు ప్రత్యేకంగా పుట్టినరోజు శుభాకాంక్షలు తెలిపారు. ‘‘మా జీవితాల్లో ఎంతో ఆనందం, ప్రేమను నింపిన నా కూతురికి హ్యాపీ బర్త్‌డే. నీ ఎదుగుదలను చూస్తుండటం నాకు దక్కిన గొప్ప వరం’’ అంటూ ఆమె భావోద్వేగ పోస్ట్ చేశారు. ప్రస్తుతం మహేశ్‌బాబు, నమ్రతా చేసిన పోస్టులు సోషల్ మీడియాలో వైరల్ అవుతుండగా, అభిమానులతో పాటు సినీ ప్రముఖులు కూడా సితారకు పుట్టినరోజు శుభాకాంక్షలు తెలియజేస్తున్నారు.