మదనపల్లె మున్సిపల్ ఎన్నికలు.. నామినేషన్ల దాఖలుకు నేడే చివరి గడువు

అన్నమయ్య జిల్లా మదనపల్లె మున్సిపల్ ఎన్నికలకు సంబంధించి నామినేషన్ల దాఖలు ప్రక్రియ కొనసాగుతోంది. ఆదివారం నామినేషన్ల సమర్పణకు చివరి రోజు కావడంతో అభ్యర్థులు తమ నామినేషన్ పత్రాలను దాఖలు చేసేందుకు కేంద్రానికి చేరుకుంటున్నారు. ప్రస్తుతం నామినేషన్ కేంద్రం వద్ద ప్రక్రియ ప్రశాంతంగా సాగుతోంది.

మధ్యాహ్నం 3 గంటల వరకు నామినేషన్లను స్వీకరించనున్నారు. చివరి రోజు కావడంతో మరిన్ని నామినేషన్లు దాఖలయ్యే అవకాశం ఉంది. మదనపల్లె వన్ టౌన్ సర్కిల్ ఇన్‌స్పెక్టర్ మోహన్ కుమార్ పర్యవేక్షణలో పోలీసులు బందోబస్తు నిర్వహిస్తున్నారు. ఎలాంటి అవాంఛనీయ ఘటనలు చోటుచేసుకోకుండా పోలీసులు పరిస్థితిని పర్యవేక్షిస్తూ, నామినేషన్ల ప్రక్రియ సజావుగా జరిగేలా చర్యలు తీసుకుంటున్నారు.