శ్రీలంకకు భారత్‌ ఇంధన సాయం

పశ్చిమాసియాలో యుద్ధం ప్రభావంతో ప్రపంచవ్యాప్తంగా ఇంధన సంక్షోభం నెలకొన్న నేపథ్యంలో భారత్‌ తన మిత్రదేశానికి చేయూతనిచ్చింది. చమురు కొరతతో ఇబ్బందులు పడుతున్న శ్రీలంకకు అత్యవసరంగా 38 వేల మెట్రిక్ టన్నుల పెట్రోలియం సరఫరా చేసింది. కొలంబోలోని భారత రాయబార కార్యాలయం ఈ విషయాన్ని వెల్లడించింది.

ఇటీవల భారత ప్రధాని నరేంద్ర మోదీ, శ్రీలంక అధ్యక్షుడు అనూర కుమార దిసనాయకే మధ్య జరిగిన చర్చల అనంతరం ఈ సహాయం అందింది. ఇందులో 20 వేల మెట్రిక్ టన్నుల డీజిల్, 18 వేల మెట్రిక్ టన్నుల పెట్రోల్ కొలంబో నౌకాశ్రయానికి చేరుకున్నాయి. క్లిష్ట సమయంలో సాయం అందించినందుకు శ్రీలంక భారత్‌కు కృతజ్ఞతలు తెలిపింది.