హైదరాబాద్‌లో అక్రమ నీటి దందాకు హైడ్రా చెక్

హైదరాబాద్‌లో అక్రమంగా భూగర్భ జలాలను తోడేస్తున్న వారిపై హైడ్రా చర్యలు చేపట్టింది. సున్నం చెరువు పరిసరాల్లో ఇళ్లలో బోర్లు వేసి నీటిని వెలికితీస్తున్న వారిపై దృష్టి సారించిన అధికారులు, అక్రమ నీటి దందాను అడ్డుకునేందుకు స్టింగ్ ఆపరేషన్ నిర్వహించారు. ఈ క్రమంలో చెరువు సమీపంలోని ఇళ్ల నుంచి బయటకు వచ్చిన బోర్ల పైపులను తొలగించే చర్యలు చేపట్టారు.

రెవెన్యూ, సీఎంసీ అధికారుల సమక్షంలో ఈ ఆపరేషన్ కొనసాగింది. దశాబ్దాలుగా అక్రమంగా నీటిని తోడేస్తున్నారనే ఆరోపణల నేపథ్యంలో హైడ్రా చేపట్టిన ఈ చర్యలు ప్రాధాన్యం సంతరించుకున్నాయి. చెరువు పరిసరాల్లో అక్రమ బోర్ల వినియోగాన్ని అరికట్టి, భూగర్భ జలాల దుర్వినియోగాన్ని నియంత్రించడమే లక్ష్యంగా అధికారులు చర్యలు తీసుకున్నట్లు సమాచారం.