యెమెన్ ప్రెసిడెన్షియల్ ప్యాలెస్‌ను లక్ష్యంగా చేసుకున్న హూతీల క్షిపణి దాడులు

యెమెన్‌లో హూతీ తిరుగుబాటుదారులు మరోసారి క్షిపణి దాడులకు పాల్పడినట్లు సమాచారం. పోర్టు నగరమైన ఏడెన్‌లోని ప్రెసిడెన్షియల్ ప్యాలెస్‌ను లక్ష్యంగా చేసుకుని దాడులు జరిపినట్లు నివేదికలు వెల్లడించాయి. ఈ ఘటనలో ఇద్దరు భద్రతా సిబ్బంది మరణించగా, పలువురు గాయపడినట్లు తెలుస్తోంది. ప్రధానమంత్రి సహా కొందరు మంత్రులు ప్యాలెస్‌లో ఉన్న సమయంలోనే ఈ దాడులు జరిగినట్లు సమాచారం. అయితే, పలువురు కీలక నేతలు ప్రమాదం నుంచి తప్పించుకున్నట్లు నివేదికలు పేర్కొన్నాయి.

సౌదీ సైనిక కార్యకలాపాల ప్రధాన కార్యాలయం, ఆయుధ నిల్వ కేంద్రాలను లక్ష్యంగా చేసుకుని దాడులు జరిపినట్లు హూతీ తిరుగుబాటుదారులు ప్రకటించినట్లు సమాచారం. ప్రెసిడెన్షియల్ ప్యాలెస్ సమీపంలో ఐదుసార్లు భారీ పేలుళ్ల శబ్దాలు వినిపించాయని, ఆ ప్రాంతంలో దట్టమైన పొగ వ్యాపించిందని అంతర్జాతీయ మీడియా కథనాలు వెల్లడించాయి. ఈ ఘటనకు సంబంధించి పూర్తి వివరాలు, నష్టంపై మరింత సమాచారం తెలియాల్సి ఉంది.