హైదరాబాద్‌–విజయవాడ హైవేపై భారీ ట్రాఫిక్‌ రద్దీ

దసరా పండుగ సెలవులు ముగియడంతో హైదరాబాద్‌–విజయవాడ జాతీయ రహదారిపై వాహనాల రద్దీ పెరిగింది. యాదాద్రి భువనగిరి జిల్లా చౌటుప్పల్‌ మండలం పంతంగి టోల్‌ ప్లాజా సమీపంలో భారీగా ట్రాఫిక్‌ నెలకొంది. దసరా పండుగను స్వగ్రామాల్లో కుటుంబ సభ్యులతో జరుపుకునేందుకు వెళ్లిన ప్రజలు తిరిగి నగరాలకు పయనమవుతున్నారు. దీంతో జాతీయ రహదారిపై వాహనాల సంఖ్య గణనీయంగా పెరిగింది.

అక్టోబర్‌ 22 నుంచి పాఠశాలలు, కళాశాలలు తిరిగి ప్రారంభం కానుండటంతో విద్యార్థులు, ఉద్యోగులు తమ గమ్యస్థానాలకు చేరుకునేందుకు పెద్ద సంఖ్యలో ప్రయాణిస్తున్నారు. ఈ నేపథ్యంలో పంతంగి టోల్‌ ప్లాజా వద్ద వాహనాల రాకపోకలు పెరిగి ట్రాఫిక్‌ రద్దీ ఏర్పడింది. పండుగ సెలవుల అనంతరం ఒకేసారి పెద్ద సంఖ్యలో వాహనాలు రహదారిపైకి రావడంతో ప్రయాణికులు రద్దీని ఎదుర్కొంటున్నారు.