పులివెందులలో భారీగా పోలీసుల మోహరింపు..

కడప జిల్లా పులివెందులలో నామినేషన్ల దాఖలుకు చివరి రోజు కావడంతో పోలీసులు భారీగా మోహరించారు. వైఎస్ అవినాష్‌రెడ్డి నివాసం సమీపంలో భద్రతను కట్టుదిట్టం చేశారు. ఎలాంటి అవాంఛనీయ ఘటనలు చోటుచేసుకోకుండా ముందస్తు చర్యల్లో భాగంగా ఆయనను హౌస్ అరెస్ట్ చేసే అవకాశం ఉన్నట్లు సమాచారం.

ర్యాలీలు, ధర్నాలకు అనుమతి లేదని పోలీసులు నిన్న నోటీసులు జారీ చేసినట్లు తెలుస్తోంది. నామినేషన్ల గడువు నేపథ్యంలో శాంతిభద్రతలకు విఘాతం కలగకుండా ఈ చర్యలు చేపట్టినట్లు సమాచారం. అవినాష్‌రెడ్డిపై ఎలాంటి ఆంక్షలు విధిస్తారనే అంశంపై మరిన్ని వివరాలు తెలియాల్సి ఉంది.