వైట్‌హౌస్ వద్ద కాల్పులు..దుండగుడు మృతి

అమెరికాలోని వైట్‌హౌస్ సమీపంలో శనివారం సాయంత్రం కాల్పుల ఘటన కలకలం రేపింది. ఒక దుండగుడు వైట్‌హౌస్ భద్రతా తనిఖీ కేంద్రం వద్దకు చేరుకుని తన బ్యాగులో నుంచి తుపాకీ తీసి భద్రతా సిబ్బందిపై కాల్పులకు తెగబడ్డాడు. వెంటనే అప్రమత్తమైన భద్రతా సిబ్బంది ఎదురు కాల్పులు జరపడంతో దుండగుడు తీవ్రంగా గాయపడ్డాడు.

గాయపడిన దుండగుడిని ఆస్పత్రికి తరలించగా అప్పటికే అతడు మృతి చెందినట్లు వైద్యులు నిర్ధారించారు. ఈ ఘటనలో ఒక వ్యక్తి గాయపడగా, భద్రతా సిబ్బందికి ఎలాంటి గాయాలు కాలేదు. ఘటన సమయంలో అమెరికా అధ్యక్షుడు డోనాల్డ్ ట్రంప్ వైట్‌హౌస్‌లోనే ఉన్నారు. పోలీసులు కేసు నమోదు చేసి ఘటనపై దర్యాప్తు ప్రారంభించారు.