తెలంగాణ ప్రభుత్వ ఉద్యోగార్థులకు శుభవార్త..

తెలంగాణ ప్రభుత్వ ఉద్యోగాలకు సిద్ధమవుతున్న అభ్యర్థులకు రాష్ట్ర ప్రభుత్వం శుభవార్త చెప్పింది. ప్రభుత్వ ఉద్యోగాల నియామకాల్లో పోటీపడే అభ్యర్థుల గరిష్ట వయో పరిమితిని 34 ఏళ్ల నుంచి 44 ఏళ్లకు పెంచుతూ ప్రభుత్వం తాజా ఉత్తర్వులు జారీ చేసింది. దీని ద్వారా ఎక్కువ మంది నిరుద్యోగ యువతకు ఉద్యోగ అవకాశాలు లభించే అవకాశం ఉందని అధికారులు భావిస్తున్నారు.

అయితే ఈ వయో పరిమితి పెంపు కేవలం ఏడాది కాలంపాటు మాత్రమే అమల్లో ఉంటుందని ప్రభుత్వం స్పష్టం చేసింది. అలాగే యూనిఫామ్ సర్వీసులకు ఈ నిర్ణయం వర్తించదని పేర్కొంది. ప్రభుత్వ నిర్ణయంపై ఉద్యోగార్థులు హర్షం వ్యక్తం చేస్తుండగా, రాబోయే నియామక ప్రక్రియలపై ఆసక్తి పెరిగింది.