ఢిల్లీలోని సెంట్రల్ పార్క్ రెండు రోజులు మూసివేత.. ఎన్‌డీఎంసీ కీలక ప్రకటన

దేశ రాజధాని ఢిల్లీలోని కనాట్ ప్లేస్‌లో ఉన్న సెంట్రల్ పార్క్‌ను రేపు, ఎల్లుండి ప్రజలకు అందుబాటులో లేకుండా చేయనున్నట్లు న్యూఢిల్లీ మున్సిపల్ కౌన్సిల్ (ఎన్‌డీఎంసీ) ప్రకటించింది. రేపు పార్క్‌లో సీజేపీ ఆధ్వర్యంలో ‘లెహ్రా దో తిరంగా’ మార్చ్ నిర్వహించనున్న నేపథ్యంలో ఈ నిర్ణయం తీసుకున్నట్లు సమాచారం. ఈ మేరకు పార్క్‌లోకి ప్రజల ప్రవేశాన్ని తాత్కాలికంగా నిలిపివేయనున్నారు.

మార్చ్ నేపథ్యంలో భద్రత, నిర్వహణకు సంబంధించిన ఏర్పాట్లలో భాగంగా ఈ నిర్ణయం తీసుకున్నట్లు తెలుస్తోంది. దీంతో కనాట్ ప్లేస్‌కు వచ్చే సందర్శకులు, స్థానిక ప్రజలు ఈ రెండు రోజుల పాటు సెంట్రల్ పార్క్‌ను సందర్శించలేరు. పార్క్ తిరిగి ఎప్పుడు అందుబాటులోకి వస్తుందనే అంశంపై ప్రజలు ఎన్‌డీఎంసీ ప్రకటనలను గమనించాలని సూచిస్తున్నారు.