ప్రాంతీయ శాంతికి కలిసి పని చేస్తాం: చైనా

పాకిస్థాన్‌తో తమకు ఉన్న విడదీయలేని మైత్రి బంధాన్ని చైనా అధ్యక్షుడు షీ జిన్‌పింగ్ ప్రశంసించారు. పాక్ ప్రధాని షెహబాజ్ షరీఫ్, ఆర్మీ చీఫ్ ఫీల్డ్ మార్షల్ అసీం మునీర్‌లతో ఆయన గ్రేట్ హాల్ ఆఫ్ ది పీపుల్‌లో భేటీ అయ్యారు. పశ్చిమాసియాలో శాంతి పునరుద్ధరణలో పాక్ పాత్రను అభినందించిన జిన్‌పింగ్, ఇరు దేశాల మధ్య పరస్పర నమ్మకం, సహకారం మరింత బలపడిందని తెలిపారు.

చైనా–పాక్ సంబంధాలు వ్యూహాత్మక విశ్వాసంతో ముందుకు సాగుతున్నాయని ఆయన పేర్కొన్నారు. పాక్ సార్వభౌమాధికారానికి చైనా మద్దతు కొనసాగుతుందని స్పష్టం చేశారు. అంతర్జాతీయ పరిస్థితులు ఎలా మారినా ద్వైపాక్షిక సంబంధాల అభివృద్ధికే ప్రాధాన్యత ఇస్తామని తెలిపారు. ఈ భేటీలో ఇరు దేశాల మధ్య 15 ఒప్పందాలు కుదిరాయి. అమెరికా–ఇరాన్ కాల్పుల విరమణ ఒప్పందానికి పాక్ అందించిన పాత్రకు జిన్‌పింగ్ కృతజ్ఞతలు తెలిపారు.