ఉత్తరాంధ్ర అభివృద్ధికి భోగాపురం ఎయిర్‌పోర్టు కీలకం

భోగాపురం అంతర్జాతీయ విమానాశ్రయం ప్రారంభోత్సవానికి ముహూర్తం ఖరారైంది. ఆగస్టు 1న ప్రధానమంత్రి నరేంద్ర మోదీ ఎయిర్‌పోర్టును ప్రారంభించనున్నట్లు ఆంధ్రప్రదేశ్ ముఖ్యమంత్రి చంద్రబాబు నాయుడు వెల్లడించారు. ఈ ప్రారంభోత్సవం చరిత్రలో నిలిచిపోయేలా ఘనంగా నిర్వహించాలని అధికారులకు సూచించారు.

భోగాపురం ఎయిర్‌పోర్టుపై నిర్వహించిన సమీక్ష సమావేశంలో సీఎం మాట్లాడుతూ, ఈ విమానాశ్రయం ఉత్తరాంధ్రకు మణిహారంగా మారుతుందని తెలిపారు. విమానాశ్రయం, పర్యాటక ప్రాజెక్టులు, పోర్టులు, జాతీయ రహదారులు, పరిశ్రమల అభివృద్ధితో ఉత్తరాంధ్ర కొత్త అవకాశాల దిశగా ముందుకు సాగుతుందని అన్నారు. రాష్ట్ర సంస్కృతి, వారసత్వాన్ని ప్రతిబింబించేలా ఎయిర్‌పోర్టు అభివృద్ధి ఉండాలని పేర్కొన్నారు.