ఏపీ టెట్-2026 షెడ్యూల్ విడుదల...

ఆంధ్రప్రదేశ్ ప్రభుత్వం ఏపీ టెట్-2026 (ఆంధ్రప్రదేశ్ టీచర్ ఎలిజిబిలిటీ టెస్ట్) షెడ్యూల్‌ను అధికారికంగా విడుదల చేసింది. పరీక్షకు సంబంధించిన దరఖాస్తుల స్వీకరణ నేటి నుంచి ప్రారంభమై జూలై 5 వరకు కొనసాగనుంది. అభ్యర్థులు జూలై 25 నుంచి హాల్‌టికెట్లను డౌన్‌లోడ్ చేసుకునే అవకాశం ఉంటుంది. రాష్ట్రంలోని ప్రభుత్వ, ఎయిడెడ్ పాఠశాలల్లో ఉపాధ్యాయ ఉద్యోగాల కోసం ఈ పరీక్ష కీలకంగా పరిగణించబడుతోంది.

షెడ్యూల్ ప్రకారం ఆగస్టు 5 నుంచి 21 వరకు ఏపీ టెట్ పరీక్షలు నిర్వహించనున్నారు. ప్రతిరోజూ రెండు సెషన్లలో పరీక్షలు జరుగుతాయి. మొదటి సెషన్ ఉదయం 9:30 గంటల నుంచి మధ్యాహ్నం 12 గంటల వరకు, రెండో సెషన్ మధ్యాహ్నం 2:30 గంటల నుంచి సాయంత్రం 5 గంటల వరకు నిర్వహించబడుతుంది. ఆగస్టు 24న ప్రాథమిక కీ విడుదల చేయగా, సెప్టెంబర్ 8న ఫైనల్ కీని ప్రకటించనున్నారు. సెప్టెంబర్ 15న ఏపీ టెట్-2026 ఫలితాలను విడుదల చేయనున్నారు.