ఎస్‌ఐఆర్ ప్రక్రియపై ఓటర్లకు అలర్ట్.. పేరు తొలగితే ఏం చేయాలంటే?

తెలంగాణలో ఓటర్ల జాబితా ప్రత్యేక సమగ్ర సవరణ (ఎస్‌ఐఆర్) ప్రక్రియకు సంబంధించి రాష్ట్ర ఎన్నికల ప్రధాన అధికారి (CEO) సుదర్శన్ రెడ్డి ఓటర్లకు కీలక సూచన చేశారు. ఈ ప్రక్రియలో అర్హులైన ఓటర్ల పేర్లు జాబితా నుంచి తొలగిపోయినట్లయితే, నిబంధనల ప్రకారం మళ్లీ ఓటరుగా నమోదు చేసుకునేందుకు ఫామ్-6 ద్వారా దరఖాస్తు చేసుకోవచ్చని తెలిపారు. ఎస్‌ఐఆర్ ప్రక్రియలో భాగంగా ఓటర్ల వివరాలు, చిరునామాలు, ఇతర సమాచారాన్ని అధికారులు పరిశీలిస్తారని పేర్కొన్నారు.

ఓటరు జాబితాలో తమ పేరు ఉందో లేదో ముందుగానే తనిఖీ చేసుకోవాలని సుదర్శన్ రెడ్డి సూచించారు. పేరు తొలగిపోయినట్లు గుర్తిస్తే, సంబంధిత ఎన్నికల అధికారులను సంప్రదించి, అవసరమైన పత్రాలతో ఫామ్-6 ద్వారా దరఖాస్తు చేసుకోవాలని తెలిపారు. అర్హులైన ప్రతి ఒక్కరూ ఓటు హక్కును వినియోగించుకునేందుకు తమ పేరు ఓటరు జాబితాలో ఉందో లేదో నిర్ధారించుకోవాలని ఆయన కోరారు.