అతీక్‌ అహ్మద్‌ నుంచి స్వాధీనం చేసుకున్న భూమిలో పేదలకు ఇళ్లు...

గ్యాంగ్‌స్టర్‌ నుంచి రాజకీయ నాయకుడిగా మారిన అతీక్‌ అహ్మద్‌ ఆధీనంలో ఉన్నట్లు పేర్కొంటూ ప్రయాగ్‌రాజ్‌లో స్వాధీనం చేసుకున్న భూమిని పేద కుటుంబాలకు ఇళ్లు నిర్మించేందుకు వినియోగించనున్నారు. ఉత్తరప్రదేశ్‌లోని చాకియా ప్రాంతంలో చేపట్టనున్న కసారీ-మసారీ గృహ నిర్మాణ పథకంలో భాగంగా ‘పదమ్‌లోక్‌ అపార్ట్‌మెంట్స్‌’ పేరుతో 602 ఫ్లాట్లను నిర్మించాలని ప్రతిపాదించారు. ఈ ప్రాజెక్టుకు అక్టోబర్‌ 15న ఉత్తరప్రదేశ్‌ ముఖ్యమంత్రి యోగి ఆదిత్యనాథ్‌ శంకుస్థాపన చేయనున్నట్లు సమాచారం.

ఆర్థికంగా వెనుకబడిన కుటుంబాలకు నివాస సదుపాయం కల్పించడంతో పాటు, స్వాధీనం చేసుకున్న భూమిని ప్రజా ప్రయోజనాల కోసం వినియోగించడం ఈ ప్రాజెక్టు ప్రధాన లక్ష్యంగా ఉంది. అయితే, ఫ్లాట్ల కేటాయింపునకు సంబంధించిన అర్హత ప్రమాణాలను ప్రభుత్వం ఇంకా వెల్లడించలేదు. లబ్ధిదారుల ఎంపిక విధానం, దరఖాస్తుల ప్రక్రియ, ఫ్లాట్ల కేటాయింపు వివరాలపై స్పష్టత రావాల్సి ఉంది. పేదలకు గృహ వసతి కల్పించేందుకు, స్వాధీనం చేసుకున్న భూమిని ప్రజా అవసరాలకు వినియోగించేందుకు రాష్ట్ర ప్రభుత్వం ఈ ప్రాజెక్టును చేపడుతోంది.