బ్లూ లుక్‌లో రకుల్ ప్రీత్ స్టన్నింగ్‌గా మెరిసింది

రకుల్ ప్రీత్ సింగ్ తాజాగా ఇన్‌స్టాగ్రామ్‌లో “Feeling blue but in the best way” అంటూ బ్లూ డ్రెస్‌లో ఈవెంట్‌కు రెడీ అవుతున్న ఫోటోలు షేర్ చేయగా, అవి సోషల్ మీడియాలో వైరల్ అయ్యాయి. ఇదే సమయంలో, భర్త జాకీ భ‌గ్నానీ ఆర్థిక సమస్యలపై వస్తున్న రూమర్స్ గురించి ఆమె స్పందిస్తూ, ఆన్‌లైన్‌లో ప్రచారం అవుతున్న వార్తల్లో చాలా అతిశయోక్తి ఉందని, నిజానికి దగ్గరగా కూడా లేవని చెప్పింది. సినీ పరిశ్రమలో ఎత్తుపల్లాలు సహజమని, అమితాబ్ బచ్చన్ వంటి పెద్ద స్టార్‌ కూడా ఒకప్పుడు భారీ ఆర్థిక కష్టాలు చవిచూశారని ఆమె గుర్తుచేసింది. జాకీ ఎదుర్కొన్న పరిస్థితి కుటుంబానికి కష్టమైనదే అయినా, అందరూ ఒకరినొకరు అండగా నిలబడ్డారని తెలిపింది. నేటి కాలంలో క్లిక్‌బైట్ కోసం నిజం చెక్ చేయకుండా వార్తలు పంచుకోవడం పెరిగిందని, తమ ప్రొడక్షన్ కంపెనీ మూసేయబడలేదని—కేవలం కొన్ని సినిమాలు ఆశించిన స్థాయి రాకపోవడంతో తాత్కాలిక ఒత్తిడి వచ్చిందని స్పష్టం చేసింది. ఎంటర్‌టైన్‌మెంట్ ఫీల్డ్‌లో ఇలాంటి రూమర్స్‌ను పట్టించుకోకుండా అసలు పనిపై దృష్టి పెట్టడం ముఖ్యమని రకుల్ చెప్పింది.