అమెరికా కంపెనీని కొనుగోలు చేసిన సన్ ఫార్మా

భారత ఔషధ రంగంలో భారీ ఒప్పందం కుదిరింది. సన్ ఫార్మాస్యూటికల్ ఇండస్ట్రీస్, అమెరికాకు చెందిన ఆర్గనాన్ అండ్ కోను కొనుగోలు చేయనున్నట్లు ప్రకటించింది. ఈ డీల్‌ మొత్తం $11.75 బిలియన్‌ (రూ.1.10 లక్షల కోట్లకు పైగా) విలువతో పూర్తిగా నగదు రూపంలో జరగనుంది. ఇది భారత కంపెనీలు విదేశాల్లో చేసిన అతిపెద్ద కొనుగోళ్లలో ఒకటిగా నిలిచింది. ఒప్పందం ప్రకారం ఆర్గనాన్ షేరుకు $14 చెల్లించనున్నారు.

ఈ ఒప్పందం 2027 నాటికి పూర్తయ్యే అవకాశముందని అంచనా. నియంత్రణ సంస్థలు, షేర్‌హోల్డర్ల అనుమతులు అవసరం. ఈ కొనుగోలు కోసం సన్ ఫార్మా తమ వద్ద ఉన్న $2–2.5 బిలియన్ నగదు నిల్వలను ఉపయోగించుకోవడంతో పాటు $9.25–9.75 బిలియన్ వరకు రుణాలను సమీకరించనుంది. ఈ డీల్‌ ద్వారా సన్ ఫార్మా గ్లోబల్ మార్కెట్‌లో తన స్థాయిని మరింత విస్తరించుకునే అవకాశం ఉంది.