న్యూస్
హ్యుందాయ్ ఇండియా తన ప్రముఖ సెడాన్ కారు వెర్నా 2026 మోడల్ను దేశీయ మార్కెట్లో విడుదల చేసింది. ఈ కారు ప్రారంభ ధర రూ.10.98 లక్షలు (ఎక్స్-షోరూమ్)గా నిర్ణయించారు. కొత్త వెర్నా మరింత ఆకర్షణీయమైన స్టైలింగ్, మెరుగైన సౌండ్ సిస్టమ్తో మార్కెట్లోకి వచ్చింది. ఈ కారు హెచ్ఎక్స్2, హెచ్ఎక్స్4, హెచ్ఎక్స్6, హెచ్ఎక్స్6+, హెచ్ఎక్స్8, హెచ్ఎక్స్10 వంటి పలు వేరియంట్లలో లభిస్తుంది. ఇందులో 1.5 లీటర్ పెట్రోల్ ఇంజిన్తో పాటు 1.5 లీటర్ టర్బో పెట్రోల్ ఇంజిన్ ఆప్షన్లు ఉన్నాయి. 6-స్పీడ్ మాన్యువల్, సీవీటీ, అలాగే 7-స్పీడ్ డీసీటీ గేర్బాక్స్ ఎంపికలు అందుబాటులో ఉన్నాయి.
ఈ కొత్త వెర్నాలో భద్రతా మరియు టెక్నాలజీ ఫీచర్లకు ప్రత్యేక ప్రాధాన్యం ఇచ్చారు. 360 డిగ్రీ కెమెరా, బ్లైండ్ వ్యూ మానిటర్, 7 ఎయిర్బ్యాగ్లు, లెవెల్-2 ADAS, ఎలక్ట్రానిక్ స్టెబిలిటీ కంట్రోల్, టైర్ ప్రెజర్ మానిటరింగ్ సిస్టమ్ వంటి ఫీచర్లు ఉన్నాయి. అలాగే 10.25 అంగుళాల టచ్స్క్రీన్ ఇన్ఫోటెయిన్మెంట్ సిస్టమ్, వైర్లెస్ ఆండ్రాయిడ్ ఆటో, యాపిల్ కార్ప్లే, డిజిటల్ ఇన్స్ట్రుమెంట్ క్లస్టర్, వెంటిలేటెడ్ సీట్లు, ఎలక్ట్రిక్ సన్రూఫ్ వంటి ఆధునిక సదుపాయాలు కూడా ఉన్నాయి. మార్కెట్లో ఈ కారు హోండా సిటీ, ఫోక్స్వ్యాగన్ వర్చూస్, స్కోడా స్లేవియా కార్లకు పోటీగా నిలవనుంది.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!