మహీంద్రా EV: ఫుల్ పవర్, ఫుల్ స్పీడ్!

Mahindra XEV 9e EV SUV: ఆటోమొబైల్ రంగంలో ఎలక్ట్రిక్ విభాగం ప్రతి రోజూ వేగంగా అభివృద్ధి చెందుతోంది. ప్రత్యేకంగా ఎలక్ట్రిక్ SUV మార్కెట్ దూసుకుపోతుంది. ఈ నేపథ్యంలో మహీంద్రా తీసుకువచ్చిన XEV 9e అనేక ఆధునిక ఫీచర్లు, ఫాస్ట్ ఛార్జింగ్, లాంగ్ రేంజ్‌తో వినియోగదారులను ఆకట్టుకుంటోంది. కేవలం 6.8 సెకన్లలో 0–100 కి.మీ/గం వేగాన్ని అందుకోగల ఈ SUV, DC ఫాస్ట్ ఛార్జర్‌తో 20 నిమిషాల్లో 20% నుంచి 80% వరకు ఛార్జ్ అవుతుంది. 59 kWh మరియు 79 kWh బ్యాటరీ ఆప్షన్లతో వచ్చే ఈ వాహనం గరిష్టంగా 282 bhp పవర్‌ను ఇస్తూ ఒక్కసారి ఛార్జ్ చేస్తే 656 కి.మీ వరకు రేంజ్ అందిస్తుంది.

బాహ్యంగా క్లోజ్డ్ గ్రిల్, కనెక్ట్ చేసిన DRLలు, ఫ్లేర్డ్ వీల్ ఆర్చ్‌లు, ఏరో-ఇన్‌స్పైర్డ్ అల్లాయ్ వీల్స్‌తో ఈ SUV మరింత స్టైలిష్‌గా కనిపిస్తుంది. లోపల మూడు-స్క్రీన్ కాక్‌పిట్, పనోరమిక్ సన్‌రూఫ్, వైర్‌లెస్ ఛార్జింగ్, విస్తృతమైన బూట్ స్పేస్, అదనపు ఫ్రంట్ ట్రంక్ వంటి ఫీచర్లు అందుబాటులో ఉన్నాయి. భద్రతా పరంగా 7 ఎయిర్‌బ్యాగ్‌లు, 360° కెమెరా, లెవల్-2 ADAS, ABS, ESC, ఆధునిక సస్పెన్షన్ వంటి అద్భుతమైన సేఫ్టీ సిస్టమ్స్‌ను మహీంద్రా అందించింది. వేరియంట్ మరియు రంగును బట్టి ఈ XEV 9e ఎలక్ట్రిక్ SUV ఎక్స్-షోరూమ్ ధర రూ. 21 లక్షల నుంచి రూ. 31 లక్షల వరకు ఉండనున్నట్లు సమాచారం.