ఐఆర్‌సీటీసీ టికెట్‌ బుకింగ్స్‌లో కొత్త రికార్డు

వినాయకుడి పండుగ సీజన్‌ నేపథ్యంలో రైలు ప్రయాణాలకు డిమాండ్‌ భారీగా పెరిగింది. ఈ నెల 7న ఒక్క రోజులోనే 20,06,353 రైల్వే టికెట్లు బుక్‌ అయ్యాయి. ఐఆర్‌సీటీసీ చరిత్రలో ఒకే రోజులో 20 లక్షల టికెట్ల మార్క్‌ దాటడం ఇదే తొలిసారి. ఈ నెల 8న కూడా బుకింగ్స్‌ భారీగా కొనసాగి 19,50,699 టికెట్లు నమోదయ్యాయి.

గత ఏడాది పండుగ సీజన్‌లో ఒక్క రోజులో అత్యధికంగా 18,40,203 టికెట్లు బుక్‌ కాగా, ఈసారి దానికంటే సుమారు 6 శాతం అధికంగా నమోదయ్యాయి. ప్రస్తుతం రిజర్వేషన్‌ టికెట్లలో దాదాపు 89 శాతం ఆన్‌లైన్‌లోనే బుక్‌ అవుతున్నాయని ఐఆర్‌సీటీసీ తెలిపింది. పెరుగుతున్న రద్దీని దృష్టిలో ఉంచుకుని కొత్త సర్వర్లను ఏర్పాటు చేయడంతో ఆన్‌లైన్‌ టికెట్‌ బుకింగ్‌ సామర్థ్యం దాదాపు రెట్టింపు అయిందని పేర్కొంది.