గాసిప్స్
గత వారం నిఫ్టీ తీవ్ర ఆటుపోట్ల మధ్య ట్రేడైంది. 26,200 వద్ద బలమైన అమ్మకాల ఒత్తిడిని ఎదుర్కొన్నప్పటికీ, 25,700 స్థాయిలో పటిష్టమైన పునరుజ్జీవం సాధించింది. అయినా చివరికి ముందు వారంతో పోలిస్తే 140 పాయింట్ల నష్టంతో ముగిసింది. గత ఎనిమిది వారాలుగా నిఫ్టీ 26,000 స్థాయిలో సైడ్వేస్, అస్తిర ధోరణిలోనే కదలాడుతోంది. ఈ స్థాయిలో పలు రియాక్షన్లు వచ్చినా, కనిష్ఠ స్థాయిల్లో మళ్లీ బలంగా రికవరీ అవుతోంది. అప్ట్రెండ్ను కొనసాగించాలంటే మరో వారం స్థిరత్వం అవసరం. అమెరికా మార్కెట్ల ప్రభావంతో ఈ వారం అప్రమత్త ట్రెండ్ ఉండే అవకాశం ఉండటంతో 26,000 స్థాయి మరోసారి పరీక్షకు గురయ్యే సూచనలు కనిపిస్తున్నాయి.
బుల్లిష్ దృష్ట్యా 26,000 పైన నిలదొక్కుకోవడం కీలకం. పైవైపు మైనర్ నిరోధం 26,160 కాగా, ప్రధాన నిరోధం 26,300. ఇదే ఇటీవల ఏర్పడిన ఆల్టైమ్ హై కావడంతో ఇక్కడ బలమైన అవరోధం ఉంది. బేరిష్ పరిస్థితిలో 25,800 వద్ద మద్దతు కీలకం. ఈ స్థాయి దిగజారితే స్వల్పకాలిక బలహీనతకు సూచనగా భావించాలి. తదుపరి ప్రధాన మద్దతు 25,450 వద్ద ఉంది.
బ్యాంక్ నిఫ్టీ గత వారం పరిమిత పరిధిలో కదలాడి 59,390 వద్ద ముగిసింది. సానుకూలత కొనసాగాలంటే 59,600 పైన నిలదొక్కుకోవాలి. తదుపరి ప్రధాన నిరోధం 60,100 (జీవితకాల గరిష్ఠం). దిగువకు వస్తే 58,800 వద్ద మద్దతు కీలకం. మార్కెట్లో స్పష్టత కోసం మరో వారం వేచి చూడాల్సి ఉంది. 26,300 పైన రెసిస్టెన్స్ ట్రెండ్లైన్ దాటితే అప్ట్రెండ్ బలపడుతుంది. 25,800 కంటే దిగజారితే స్వల్పకాలిక బలహీనత తప్పదు.
టైమ్ సూచిక ప్రకారం బుధవారం మైనర్ రివర్సల్ సంభవించే అవకాశం ఉంది.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!