నాలుగు నెలల కనిష్టానికి బంగారం ధరలు

బంగారం ధరలు నాలుగు నెలల కనిష్టానికి చేరుకోగా, వెండి ధరలు కూడా గణనీయంగా పడిపోతున్నాయి. గత నాలుగు రోజుల్లో స్వచ్ఛమైన బంగారం ధర తులానికి సుమారు రూ.12,000 వరకు తగ్గడం మార్కెట్‌లో చర్చనీయాంశంగా మారింది. అంతర్జాతీయ మార్కెట్ ప్రభావం మరియు డిమాండ్ తగ్గుదల కారణంగా ఈ ధరల పతనం కొనసాగుతున్నట్లు విశ్లేషకులు పేర్కొంటున్నారు.

బంగారంతో పాటు వెండి ధరలు కూడా భారీగా పడిపోయాయి. కిలో వెండి ధర గత నాలుగు రోజుల్లో దాదాపు రూ.30,000 వరకు తగ్గింది. అందులోను ఈరోజు ఒక్కరోజే సుమారు రూ.10,000 వరకు పడిపోయింది. ప్రస్తుతం హైదరాబాద్ మార్కెట్‌లో కిలో వెండి ధర రూ.2,49,000 స్థాయికి చేరుకుంది.

ఆల్‌టైమ్ గరిష్ఠ స్థాయిలతో పోలిస్తే వెండి ధరలు కిలోకు సుమారు రూ.1.50 లక్షల వరకు తగ్గినట్లు తెలుస్తోంది. ఇదే సమయంలో 24 క్యారెట్ల బంగారం ధర 10 గ్రాములకు ₹1,44,912గా నమోదైంది. ధరల ఈ పడిపోవడం పెట్టుబడిదారులు మరియు వినియోగదారుల్లో ఆసక్తి రేకెత్తిస్తోంది.

గమనిక: పైన పేర్కొన్న బంగారం, వెండి రేట్లు ఎప్పటికప్పుడు మారుతుంటాయి. వార్త రాస్తున్న సమయానికి ధరల వివరాలు పైన తెలిపిన విధంగా ఉన్నాయి. కాబట్టి బంగారం కొనుగోలు చేసే ముందు.. ధరలు మళ్లీ ఒకసారి పరిశీలించుకోగలరు.