రికార్డ్ స్థాయిలో పెరుగుతున్న బంగారం, వెండి ధరలు

బంగారం, వెండి ధరలు రోజుకో కొత్త రికార్డులు సృష్టిస్తూ పెరుగుతున్నాయి. భౌగోళిక, రాజకీయ అనిశ్చితులు, రూపాయి బలహీనత, కేంద్ర బ్యాంకుల బంగారం కొనుగోళ్లు ధరలను ప్రభావితం చేస్తున్నాయి. హైదరాబాద్ బులియన్ మార్కెట్‌లో శనివారం బంగారం, వెండి ధరలు భారీగా ఎగబాకాయి.

హైదరాబాద్‌లో ఆదివారం ఉదయం 24 క్యారెట్ 10 గ్రాముల బంగారం ధర రూ.1,60,260గా నమోదైంది. 22 క్యారెట్ 10 గ్రాముల బంగారం ధర కూడా రూ.1,46,900కు ఎగబాకింది. విజయవాడ, వైజాగ్ నగరాల్లో కూడా ఇదే రేటు కొనసాగుతోంది.

ప్రస్తుతం కిలో వెండి ధర రూ.3,65,000 వద్ద ఉంది. ముంబై, ఢిల్లీ వంటి నగరాల్లో కిలో వెండి ధర రూ.3,35,000గా ఉంది. అంతర్జాతీయంగా, 24 క్యారెట్ బంగారం ఔన్స్ ధర $4,982, వెండి ఔన్స్ ధర $103 వద్ద ట్రేడ్ అవుతోంది. మార్కెట్ నిపుణులు రాబోయే రోజుల్లో ధరలు మరింత పెరుగుతాయని అంచనా వేస్తున్నారు.