ఖండేల్‌వాల్ ఫార్ములేషన్స్‌ను స్వాధీనం చేసుకున్న అరబిందో

దేశీయ ఫార్ములేషన్స్‌ మార్కెట్‌లో తన ఆధిపత్యాన్ని మరింత బలోపేతం చేసుకునే దిశగా అరబిందో ఫార్మా కీలక అడుగు వేసింది. మహారాష్ట్రకు చెందిన ఖండేల్‌వాల్‌ లాబొరేటరీస్‌ నాన్‌-క్యాన్సర్‌ ఫార్ములేషన్ల వ్యాపారాన్ని రూ.325 కోట్లకు కొనుగోలు చేసింది. ఈ లావాదేవీని అరబిందో తన అనుబంధ సంస్థ అరో ఫార్మా లిమిటెడ్‌ ద్వారా పూర్తిచేసింది.

గురువారం నుంచే ఈ కొనుగోలు అమల్లోకి వచ్చిందని కంపెనీ వెల్లడించింది. దీని ద్వారా పెయిన్‌ మేనేజ్‌మెంట్‌, యాంటీ-ఇన్‌ఫెక్టివ్‌ విభాగాల్లో తన మార్కెట్‌ స్థానం మరింత బలపడుతుందని తెలిపింది. ఖండేల్‌వాల్‌ లాబొరేటరీస్‌ పోర్ట్‌ఫోలియోలో దేశీయ మార్కెట్‌లో గుర్తింపు పొందిన 23 బ్రాండెడ్‌ ఔషధాలు ఉన్నాయి.