అమెరికా లో 50 బిలియన్ భారీ పెట్టుబడి - అమెజాన్

అమేజాన్ వెబ్ సర్వీసెస్ (AWS) అమెరికా ప్రభుత్వానికి ప్రత్యేకంగా అధునాతన AI మరియు హై-పర్ఫార్మెన్స్ కంప్యూటింగ్ సదుపాయాలు నిర్మించేందుకు $50 బిలియన్ వరకు పెట్టుబడి పెట్టనున్నట్లు ప్రకటించింది.

ఈ ప్రాజెక్ట్ 2026లో ప్రారంభమవుతుంది. AWS టాప్ సీక్రెట్, సీక్రెట్ మరియు GovCloud రీజియన్లలో సుమారు 1.3 గిగావాట్ల ఆధునిక AI-సూపర్ కంప్యూటింగ్ సామర్థ్యాన్ని కొత్త డేటా సెంటర్ల ద్వారా జోడించనుంది.

“ఫెడరల్ ఏజెన్సీల పనితీరుకు కీలక మార్పు”

AWS సీఈఓ మాట్ గార్మన్ మాట్లాడుతూ, ఈ పెట్టుబడి సైబర్ సెక్యురిటీ, ఇంటెలిజెన్స్, డ్రగ్ డిస్కవరీ వంటి కీలక మిషన్లను వేగవంతం చేసేలా ఫెడరల్ ఏజెన్సీలకు పూర్తిగా మార్పు తీసుకొస్తుందని తెలిపారు.

ఇది అమెరికా AI రంగంలో ప్రపంచ నాయకత్వాన్ని మరింత బలపరుస్తుందని కూడా పేర్కొన్నారు.

ఏ సర్వీసులు అందుబాటులోకి వస్తాయి?

అమెరికా ప్రభుత్వ సంస్థలు AWS యొక్క ప్రీమియం AI టెక్నాలజీలను ఉపయోగించగలవు:

• Amazon SageMaker – మోడల్ ట్రైనింగ్, కస్టమైజేషన్

• Amazon Bedrock – మోడల్స్, AI ఏజెంట్ల డిప్లాయ్‌మెంట్

• Anthropic Claude, Amazon Nova మోడల్స్

• AWS Trainium చిప్స్ & Nvidia AI ఇన్‌ఫ్రాస్ట్రక్చర్

ఇవి ఉపయోగించి సాటిలైట్ ఇమేజరీ విశ్లేషణ, సెక్యురిటీ ప్యాటర్న్ మోడలింగ్, భారీ సైంటిఫిక్ సిమ్యులేషన్లు వంటి పనులు వారాల నుంచి గంటల్లోకి తగ్గిపోతాయి.

అమెరికా AI యాక్షన్ ప్లాన్‌కు మద్దతు

ఈ పెట్టుబడి వైట్ హౌస్ AI యాక్షన్ ప్లాన్‌కు అనుగుణంగా ఉంది. ప్రస్తుతం AWS 11 వేలకుపైగా ప్రభుత్వ సంస్థలకు సేవలు అందిస్తోంది.

AWS:

• GovCloud (US-West) (2011)ను ప్రభుత్వ అవసరాలకు ప్రారంభించింది

• క్లాసిఫైడ్ వర్క్‌లోడ్స్ కోసం మొదటి ఎయిర్-గ్యాప్ క్లౌడ్‌ను నిర్మించింది (2014)

• అన్ని డేటా క్లాసిఫికేషన్లకు (unclassified, secret, top secret) అగ్రేడిటేషన్ పొందిన మొదటి క్లౌడ్ ప్రొవైడర్‌గా నిలిచింది (2017)

ఈ కొత్త పెట్టుబడి అమెరికా ఫెడరల్ AI మౌలిక వసతులలో ఇప్పటి వరకు జరిగిన అత్యంత పెద్ద అప్‌గ్రేడ్‌గా భావిస్తున్నారు.